Denne saka var oppe til politisk behandling i kommunestyre 18.mars 2024, der vedtaket blei fylgjande:

«Saka vert utsett. Kommunen ser på innhaldet i flaggreglementet, både i høve kostnadar og i høve involvering av lag-/foreiningar eller elevar i høve å bidra med flaggheising».

Kommunedirektøren vil difor be om tilbakemelding på om grendalaga kan ta ansvar for å henge opp vimpel i flaggstengene og flagge med det norske flagg på nasjonaldagen. Kommunen vil i denne samanheng kjøpe inn vimplar til alle grendalaga og gi eit tilskot på kr 750 for flagging på 17.mai. Grendalaga står sjølvsagt fritt til å flagge på dei andre offentlege flaggdagane om dei ynskjer det.

Det har blitt sendt ut mail til alle grendalaga. Dersom det har vore endringar i leiinga i grendalaga, ber ein om at ein gir ei tilbakemelding slik vi kan få vidaresendt til rette vedkommande.

Ein ber om svar innan 16.mai, til tone.ekremsaeter@vanylven.kommune.no.