https://www.vanylven.kommune.no/tenester/organisasjon-og-tilsette/beredskap/ 

Kommunal kriseleiing

Den kommunale kriseleiinga har ansvar for å koordinere kommunen si handtering av større hendingar og kriser. Arbeidet omfattar mellom anna å skaffe oversikt over situasjonen, vurdere nødvendige tiltak, samordne ressursar og sørgje for at innbyggjarane får relevant informasjon.

Kriseleiinga blir sett på rådhuset på Fiskå når situasjonen krev det.

Psykososial krisegruppe

Vanylven kommune har òg ei psykososial krisegruppe som kan bidra med støtte og oppfølging til menneske som blir råka av alvorlege hendingar. Gruppa kan mellom anna hjelpe med å handtere reaksjonar etter ei krise og vurdere behovet for vidare oppfølging.

Informasjon ved ei krise

Dersom den kommunale kriseleiinga blir sett, vil denne nettsida bli brukt som informasjonskanal for Vanylven kommune. Kommunen vil oppdatere sida fortløpande med relevant informasjon om situasjonen.

Vi oppmodar innbyggjarane om å bruke kommunen sine offisielle informasjonskanalar for oppdatert informasjon ved ei krise.